🟢🔴🟢🔴🟢🔴🟢
✍️✍️✍️
*सहेरम्हा वन-टू-थ्री बीयेचके फिल्याट,वावरम्हां पर्तननं* *फारम हाऊस दार मवरे चाकी गाडी असा समदा भौतिक सुखेस्नी रेलचेलनं परदरशन*मांडता उनं का !*
*मंग आपीन म्हनतस,*
*अमकानी तमकानी शून्या म्हाईन जग तयार कय !*
*म्हणजे व्हस असं का ,हाई* *बठ्ठ सुख भेटी अशी आशा धरीसन*
*मानुस शिरिमंत व्हवानी गुंता*
*रातदिन पयत सुटस पन तो सुखी काही व्हता दीखत नही !*
*आपिनच म्हनूत का ब्वा,*
*आम्हना धाकल्पने भलती मजा ये ,गयरं करमी जाये,घर कसं भरेल र्हाये.दिन कवय माव्ये ते कये बी नही !*
*मंग आते काय झायं ?*
*ती मजा गई तरी कुठे ?*
*एकलं एकलं काबर लागस?*
*छातडं काबर धडधंड करस?*
*काबर करमत नही?*
*काबर ते ...*
*जग निर्मान करानी व्याख्या कोठे तरी चुकायनी.*
*जग निर्मान करनं म्हनजे ...*
*धनगोत जपनं*
*आवडी निवडी जपनं*
*पावना व्हई गाव जानं*
*पावनास्न आरस्तोल,करनं*
*पाहुनचार करनं*
*मन मोक्या गप्पा टप्पा चावय करनं*
*घरना उंबर जोगे वावन्या चपलासन्ना भुगुल जमा व्हनं मन मोकये हासनं*
*आनी बरका...*
*हिरदनी मझारलं दुक मोक्ये करीसनी रडानं !!!*
*ह्याज गोष्टी आपीन मिळावू शकनुत तवयज ...म्हनू शकतस* *का ब्वा !*
*आम्हीन शून्या माथिन जग निर्मान कय.*
*आते तुम्हींनज सांगा आपला जीवनम्हा या गोष्टीस्नी वाढ झायी का घट झायी ???*
*तुम्हनं मनंन खराखातीनं दुक तुम्ही कितला लोकेसले सांगू शकतस ???*
*असा कितला दोस्तार ,शेजारी-पाजारी,नातं गोतं आपीन निर्मान करू शकनुत ???*
*भलताज कमी,नई ते नहीच...*
*मंग आपीन खरज जग,विश्व निर्मान कय का ???*
*तर नही ना...*
*दोस्तारसव्हनं,*
*रजिस्ट्री न्या कागदी फायली म्हनजे जग ...???*
*घरम्हांना भौतिक सुक सोयी म्हनजे जग ...???*
*लॉकरम्हा ठेल सोनं नानं, हिरा मोती डाग डागीना म्हणजेच जग ...???*
*मुखोटा घालेल चयरास्नी गर्दी म्हनजे जग ...???*
*नही !!!*
*हाई पयलेंग जानी समझी लेन्ह पडी,*
*शिरिमंत मोठा व्हवाना दबावना पायरे,कामना जास्तिना तान पायरे जर नातं दूर जात अशीन ......*
*कोनले हालकं देखाना अहंकारनी पायरे जर मानसे जोडे येत नसतीन .......*
*सुक दुक सांगाले मनं मोकय कराले जागा जर उरत नशीन तर .......*
*आम्हीन शून्या म्हाईन विश्व निर्मान कय, का विश्वा म्हाईन शून्य ?*
*वाचा ,इचार करा ,अहंकार सोडा,माणुसकी जपा.बाकीना लोकेसले मदत करा तेसना कामे पडा.*
*म्हनिसन आम्हना आदरणीय कैलास नानासाहेब कैलास भामरे ह्या त्यासना कविता लिखतस ....*
*काय येस संगे*👆
✍️✍️✍️*
*कवी*
*विजय व्ही.निकम*
*धामणगावकर,चाळीसगांव*
🟢🔴🟢🔴🟢🔴🟢