🙏🎀🙏🎀🙏
ज्योशिबा संस्कार
आशीज नही येस गोडी,अनमोल नाताम्हा,
जीव वतीन हरेकले जपनं पडत आंतरआत्माम्हा,
जग दखो हरदम आपलाज सोताम्हा,
देत लेत उभारी, गोडी शे माया जपाम्हा,
✒️ लेफ्टनंट डॉ.जितेंद्र देसले
ahirani लेबल असलेली पोस्ट दाखवित आहे. सर्व पोस्ट्‍स दर्शवा
ahirani लेबल असलेली पोस्ट दाखवित आहे. सर्व पोस्ट्‍स दर्शवा
मंगळवार, ५ जानेवारी, २०२१
परनायला जाणे
≠========परनायला जाणे ==========
*************************************
दनदन.. दनदन.. दननन.. दनदन.......
छनछन.. छनछन... छननन.. छन छन....
दनदन करत चालणं हाई गाडं,
मांगे पये लगीननी जान.....
हातोया सोडी गाठपलो मारी,
लौत हिरामोतिस्नी खाण..........//ध्रु //
तुन्ही वहिलीना चाकेंस्ले, सोनारूपान्या मांडोया
आवते भवते बसन्यात, तुन्या कंडोलनी सोया...
सर्ज्या राज्यानी खुरीस्ले, नाल सोनानी रे मारी
हायद लायीनी कम्मरले, भांदी शेलाम्हा कट्यारी
दन दन करत चालणं.......1
रंगीत छकडांना दुस्सेरले, लाल लोकेरना गोंडा
मन्ही बालंगी याहीनव्हर,आज चढाऊत बोन्डा..
त्या काकन्ना धागासंगे,जिकूत चिकनी सोपारी
उपर्नाम्हा भांधी आनुत, नव्वा सोयरानी कुवारी...
दन दन करत चालणं.......2
तुन्हा सासराना देव्हडीम्हा, बामन पंचांग वाची
धुमडाना तालव्हर मोती, तुन्हा बाशिंगना नाची
शीव उनी रे धुरकरी, आठे थांबाड तुन्हा टांगा
वाजत गाजत लेवाले या, याहीले निरोप सांगा
दन दन करत चालणं.......3
============================
****************कवी ****************
--------प्रकाश जी पाटील... पिंगळवाडेकर ------
=============================
याची सदस्यत्व घ्या:
टिप्पण्या (Atom)