जलमदेती अहिराणी माय

 🌹जलमदेती अहिराणी माय🌹

            ***********

       ......नानाभाऊ माळी

🌷अमृतमाय जिभवर

सदा कदा झिरपत ऱ्हास

खान्देशनां भाउ आपुन

अहिरानीमां निरोप जास..!🌹

🌷जिभवरनां कव्या बोलं

कुढीम्हा बठेल कायेज व्हास

नको वाटालें सरम आम्हलें

माय जलमदेती ऱ्हास......!🌹

🌷जग-दुन्याम्हा कोठे भी जावा

तोंडे मातर अहिराणी ऱ्हावो

मांगे-मव्हरे एक दिन बठ्ठ

अहिरानीनं इद्यापीठ व्हवो..!🌹

🌷दारनां मव्हरे मावशी बोला

सायम्हा परायी इंग्रजी बोला

जलम देतीगुंता आते भाउ

अहिरानींनां स्वर्ग खोला....!🌹

        🌺*******🌺

    ...नानाभाऊ माळी

मु पो ता शिंदखेडा जि धुळे

ह मु हडपसर, पुणे-४११०२८

दिनांक-२५डिसेंबर२०२०

🌹🌷बठ्ठा अहिरानींना लाल!हिरा-माणिक!भाउभन!धनगोत!ध्यानमा ठेवा २६,२७,२८लें जगन्हा अहिरानींना मोती तुम्हलें दानम्हा भेटनार सेतस!या ग्यान मोती लेवागुंता बठ्ठा विश्वनां भाउ-बहिनी तयार ऱ्हावा!🌺🌷🌹🙏😌

मायबोली आहिरानी

 

☘️🌸☘️🌸☘️🌸☘️

*अष्टाक्षरी काव्य*

*मायबोली आहिरानी*

पडनूज नस्तू तुन्हा
पिरेमना चक्करम्हा
तर माले कयत का
जादू से तुले बोलाम्हा ...

म्हनीसन मी बोलस
हिरदना कोनाथुन
आते लिखस मी तुले
हौस नी आवडथुन ...

मायबोली मन्ही से तू
माय मन्ही आहिरानी
दूध वरनी साय तू
बोलो ते वाटस लोनी ...

कोन काय म्हनी हाई
लाज आते वाटत नै
तुले बोलाना बिगर
दिन मन्हा उगस नै ...

तुन्हा इतिहास भारी
तुन्हा महिमा जगम्हां
याद तुले करी डंका
वाजतस विदेशम्हा ...

मंग आपीन काबरं
मागे र्हावो खान्देशीस्नी
मायगुंता लटकूत
आते कंबर कसीस्नी ...

मायबोली आहिरानी
भाषा से कान्हदेशनी
तिले करूत जतन
बठ्ठा आहिर जमीस्नी ...

मंग आहिरानी माय
देखा कसी सुखी व्हई
धनगोत एकमांडे
देखा नक्की गोया व्हई ...

✍️कवी✍️
विजय व्ही.निकम
धामणगावकर, चाळीसगांव
दि.२६/१२/२०२०

☘️🌸☘️🌸☘️🌸☘️

माय अहिरानी अहिराणी कविता

 माय अहिरानी

मन्ही अहिरानी बोली 

तिन्हा कसा गाऊ गुन... !

मराठीना कपायले 

सोभे आभिरनि खूण... !1

अहिरानी अहिरानी 

धार तापीनी नित्तय..... !

सोनं खान्देशनं हाई 

बाकी चौफेर पित्तय.... !2

गोड अहिरानी बोली 

जसं त्ये उसनं कांड.....!

आनी रांगडीबी तसी 

ठोके कुऱ्हाडले दांड....!3

जसं शबरीनं बोर 

थोडं गोड थोडं खट्ट.... !

मन्ही अहिरानी भाषा 

काया समारनं बट्ट.......!4

ग्यानेसरी छातीठोकी 

पाजे अमृतना घोट ........!

मन्ही अहिरानी तिले  

दाये सहदनं बोट........ !5

मऱ्हाठीना दरबारे 

गर्जी उनी अहिरानी..... !

बेरी काढेल मी तूप 

मगं..मगं.. गावरानी..... !6

मन्हा मायना व्हटस्नी 

भाषा जीवथून प्यारी.... !

तीन्ह सम्मेलन वाटे 

माले पंढोरीनी वारी......!7

🙏🙏🙏🙏🙏🙏

...........कवी............ 

प्रकाश जी. पाटील 

पिंगळवाडेकर.

गुण खान्देशी मातीचा

 गुण खान्देशी मातीचा

घ्यावा जरा उसना

गुण खान्देशी मातीचा 

असा आमुच्या मनात

         गुण गोडी गुलाबीचा॥धृ॥

गोडी सार्यांना वाटतो

इथे सण संक्रांतीचा

अरे अतिरेकी सोड

         तुझा धंदा आतंकचा॥१॥

बघ जरासा बोलून

बोल आमुचा सोन्याचा

बोल सोन्याचा बोलून

         होतो दसरा सोन्याचा॥२॥

बघ माझ्या खान्देशात 

सण येतो प्रकाशाचा 

प्रकाशित होतो पहा

          काना कोपरा देशाचा॥३॥

मना -मनात जागतो

दिप इथे दिवाळीचा

कण कण धरतीचा

          उजळीत आकाशाचा॥४॥

     *--निसर्गसखी सौ. मंगला मधुकर रोकडे.*

*शब्दसृष्टी*, मास्तरवाडी, नेहरु नगर,देवपूर, धुळे.

दूरध्वनी क्र. :-९३७१९०२३०३.

○○○○○○○○○○○○○○○○○○○

खान्देश अहिराणी कविता

 🌷🌹खान्देश🌹🌷

           *********

      ....नानाभाऊ माळी

 

कोनी कन्न म्हनंस तुले

कन्नडनां घाट छावलें

कोनी कान्ह म्हनस तुले

कृष्णानं रंग रुपले.....🌺!

तून्हा भाऊभन नी गोट

घरमा कानबाईनां रोट

आंगे विंध्य सातपुडा

टाचं मारी पये घोडा..🌺!

 तथा बऱ्हाणपूरलें पयेनां

तून्हा झेंडा गाडी वूना

खुरव्हरी उना करी खुणा

धडक राहुल बारीलें वूनां.🌺!

दगड माटीन्ह्या सेंत खानी

कये सोनानं रे पानी

भुरंट खुरटम्हा तू दपेलं

पडीत खाट्यानी कहानी!...🌺!

किल्ला हुभा ताट भामेरं

मव्हरे लळीगं से थायनेरं

 व्हाये दूध तूपनां महापूर

खान्देश गायी म्हैसीस्ना घर.🌺!

केयी कपाशीन्ह्या खानी

किर्र जंगल मांगस पानी

आभीर गोतनां तू राजा

अहिर भाषानी कहानी...🌺!

राज करे शूर गवई राजा

खड्डाम्हा बठेल खान्देश

मोजा पायव्हरी कान्हदेश

तापी गिरणांना मन्हा देश..🌺!

        🌹*********🌹

      ....नानाभाऊ माळी

(मु.पो.ता.शिंदखेडा.जि.धुळे)

ह मु हडपसर, पुणे-४११०२८

  दिनांक-२८डिसेंबर२०२०

विश्व अहिराणी साहित्य संमेलन लें मनःपूर्वक शुभेच्छा🌷🌷🌹👏

याद करसू जतन अहिराणी कविता

 याद करसू जतन

उना आखरी महिना 

उना आखरी बी दिन

नवा साल संगे धाड

        हाशी खुशीना बी दिन॥धृ॥

याद तुन्हा बी ठेवसू

सुखं दुखंना रे दिन

सुख संगे दुखना बी

            याद यिथिनच दिन॥१॥

एक येस एक जास

तंतर से दुनियान

दुनियाना संगे ते बी

              पडसचं निभायनं॥२॥

नवा सालम्हा जावाले 

नही वयसं रे मन

तुन्ही याद बी करसू 

             देख मनम्हा जतन॥३॥

तुन्हा बिगर पुढेना

कसा कयथिन दिन

तरी त्याना स्वागतले

           जाऊ म्हणस रे मन॥४॥

     *--निसर्गसखी सौ. मंगला मधुकर रोकडे.*

*शब्दसृष्टी*, मास्तरवाडी, नेहरु नगर, देवपूर, धुळे.

दूरध्वनी क्र. :-९३७१९०२३०३

:::::::::::::::::::::::::::::::::::::::::::::::::::::::::::::::::::::

॥ खांदेशनी नार..॥

॥ खांदेशनी नार..॥

जगले पोसनारा बळीनी

मी स्वाभीमानी पोर शे

अहिरानी मन्ही मायबोली

मी खान्देशनी नार शे..!

जल्म घिदा धबाना घरात

त्याले सागवानी दार शे

काळा वावरात राबनारी

मी खान्देशनी नार शे..!

रथथी भारी बैलगाडीना

सारथी मन्हा भरतार शे

शेतकरी राजानी मी रानी

मी खान्देशनी नार शे..!

मेहनती सासर-माहेरना

मन्हावर घट्ट संस्कार शे

घरले देऊळ बनावनारी

मी खान्देशनी नार शे..!

गांव-खेडानी संस्क्रितीना

मन्हा न्यामीना परीवार शे

सासू-सासरानी सेवा करनारी

मी खान्देशनी नार शे..!

खान्देशी सनस्मा आवडता

मन्हा आखाजीना बार शे

कानबाई-गवराई पुजनारी

मी खान्देशनी नार शे..!

रोडगा-कानोला भरीत करनारी

मी सुगरन भारी कलाकार शे

पुरनपोळी हातवर फिरावनारी

मी खान्देशनी नार शे..!

पिरीम-ममतामा वागनारा

धाकटा-मोठास्ना मी आधार शे

पापी नजरवालास्ले झोडनारी

मी खान्देशनी नार शे..!

✍🏼कवी-देवदत्त बोरसे✍🏼

नामपूर ता.बागलान जि.नाशिक.

मो.नं.९४२१५०१६९५.