🔥काय व्हयी करतस🔥
झायी झाडेसनी कमी
माय धरनी हापसं
हवा पानीनी बी कमी
नही तिसं बी भागसं॥धृ॥
देखा धरती धपसं
काय व्हयी करतसं
हिना हिरदाम्हा आग
व्हयी आखो वाढावसं॥१॥
हिनासाठी पुरननी
बठ्ठा पोयी करतसं
व्हस व्हयीना ती घास
आन्न व्हयीम्हा बयसं॥२॥
बयी ऊनम्हा तानम्हा
देखा घाम रे गायसं
अरे तव्हयच आम्ही
पिक पानी देखतसं॥३॥
देखा हात जोडीसनी
हायी बहिना सांगसं
बठ्ठासना जीवननी
देखा मंग व्हयी व्हसं॥४॥
पानकाय ना दिनम्हा
पानी पानी करतसं
पानीसाठी एक एक
देखा जीव तरससं॥५॥
-निसर्गसखी सौ. मंगला मधुकर रोकडे.
दूरध्वनी क्र. :-९३७१९०२३०३.
🔥🌮🔥🌮🔥🌮🔥🌮🔥🌮🔥
कोणत्याही टिप्पण्या नाहीत:
टिप्पणी पोस्ट करा