घटनेचे शिल्पकार
कोटी कुळांचे दातार ।
भिमजींचे उपकार
झाले आम्हांवर फार ।।
घेतो लेखणी हातात
भाग्य माझे पुस्तकात ।
होतो आम्ही अंधारात
आता आलो प्रकाशात ।।
खुले तळे चवदार
मुक्त आमचे विचार ।
प्राप्त झाले अधिकार
नाही कोणीच लाचार ।।
ज्ञानरुपी तलवार
मिटविते अहंकार ।
नाही मनात विकार
त्यांनी दिले सुविचार ।।
विश्व करतो स्तवन
त्यांना शतदा नमन ।
नित्य करुनी वाचन
ज्ञान करतो जतन ।।
©️®️शब्दसखा-अजय रमेश चव्हाण, तरनोळी
ता.दारव्हा, जि.यवतमाळ
मो.८८०५८३६२०७
कोणत्याही टिप्पण्या नाहीत:
टिप्पणी पोस्ट करा